Bloom Arch me’morchilik бюроsi ofisida Janubiy Koreyaning yetakchi DOHWA Engineering kompaniyasi vakillari bilan rasmiy ishchi uchrashuv o‘tkazildi.
Xalqaro hamkorlarimizni qabul qilish hamda me’moriy loyihalash va muhandislik sohasidagi tajribalar bilan o‘rtoqlashish biz uchun mamnuniyat bag‘ishladi.
Uchrashuv davomida quyidagi muhim masalalar muhokama qilindi:
- Yirik me’moriy va infratuzilma loyihalarini birgalikda amalga oshirish hamda strategik hamkorlik istiqbollari;
- Sohadagi ilg‘or tajribalarni o‘rganish va innovatsion muhandislik yechimlarini joriy etish;
- Yangi xalqaro tashabbuslar doirasida uzoq muddatli aloqalarni rivojlantirish.
Muzokaralar yakunida Bloom Arch va DOHWA Engineering tomonlari o‘zaro muloqotni davom ettirish hamda kelgusidagi qo‘shma loyihalar ustida faol hamkorlik qilishga kelishib oldilar.
